Вежби за придавки

Вежби за придавки

Следните вежби и задачи се за повторување на:

а) придавки и видови придавки;

б) степенување на придавките;

в) образување на придавките;

г) функциите на придавката во реченицата.

 

Вежби за придавки:

 

1. Од следните зборови издвој ги придавките: моли, молба, молење, молител, замоли, замолен, молејќи, дом, дома, домаќин, домашен, задомена, домување, домува.

 

2. Направи морфолошка анализа на следните придавки (да се определи видот, родот, бројот, членот, степенувањето):
најубав, умствената, десеттото, нејзини.

 

3. Образувај придавки од следните зборови: сестра, Стојан, Македонија, Охрид, есен, орел, овца, коза, црква, училиште, липа, крв.

а) Дали може да се образуваат споредбени степени од овие придавки? Зошто?

 

4. Определи ја функцијата на придавките во следните реченици:

а) Убавиот цртеж е на Марија.

б) Оваа маса е најмала.

в) Неговата брада е црвена.

г) Богатите никогаш не ги разбираат сиромашните.

д) Петтиот добитник на наградата е старецот.

 

---

 

Одговори:

1. молител, замолен, домашен, задомена
2. Морфолошка анализа значи да се определат сите морфолошки (граматички) белези на еден збор. Кај придавките тоа се: видот, родот, бројот, членот и степенувањето. Ако се дадени во реченица, тогаш и функцијата на придавката во реченицата.

   најубав – описна (квалитативна), во машки род, еднина, нечленувана, суперлатив.

   умствената – односна, во женски род, еднина, членувана.

   десеттото – бројна, среден род, еднина, членувана.

   нејзини – заменска, множина, нечленувана.

3. сестра – сестрин,

   Стојан – Стојанов,

   Македонија –  македонски,

   Охрид – Охридски,

   есен – есенски,

   орел – орелски,

   овца – овчи,

   коза – козји,

   црква – црквен, црковен,

   училиште – училиштен,

   липа – липов,

   крв – крвав.

   а) Дали може да се образуваат споредбени степени од овие придавки? Зошто?

   Не можат да се образуваат споредбени степени затоа што сите овие придавки се односни.

4. а) Убавиот цртеж е на Марија. – убавиот – атрибут

   б) Оваа маса е најмала. – најмала – дел од именскиот прирок

   в) Неговата брада е црвена. – неговата – атрибут; црвена – дел од именскиот прирок

   г) Богатите никогаш не ги разбираат сиромашните. – богатите – подмет, сиромашните – предмет

   д) Петтиот добитник на наградата е старецот. – петтиот – атрибут, старецот – дел од именскиот прирок.