Морфологија

Морфологија – именски зборови (матура) е кратко повторување на материјалот од темата морфологија.

Морфологија е најобемната, но и централната тема од областа на јазикот. Таа е, можеби, најважниот дел од граматиката.

Во испитната програма за матура од оваа тема се бара:

Зборовни групи
(од морфолошки, лексичко-семантички и синтаксички пристап);
Функцијата на зборовите во исказ.

Односно, се бараат солидни познавања од морфологијата.

Морфологијата е дел од граматиката што се занимава со проучувањето на формите на зборовите, нивното образување и нивното граматичко значење.

Деловите од кои се состои еден збор, а кои се носители на некое значење (лексичко или граматичко) се наречени морфеми.

Морфемите може да бидат: коренски и афиксални.

1. Корен (коренска морфема) е општиот дел кој повеќе не може да се дели и кој е носител на значењето на група зборови.

2. Афикси (афиксални морфеми) се додатоци на општиот дел (коренот) кои служат за изведување нови зборови или за граматички ознаки.

Зборообразувачки (изведбени) морфеми:

а) префикс — влегува во составот на основата и се наоѓа пред коренот;
б) суфикс — се наоѓа зад коренот, а пред флексијата;
в) интерфикс — се наоѓа меѓу две коренски морфеми.

Формообразувачки (граматички) морфеми:

г) флексија — се наоѓа на крајот од формата на зборот (промена на род, број, лице, вид итн.)

На пример:

град (корен) ба (суфикс)
град (корен) ови (флексија)
из (префикс) град (корен) ба (суфикс) та (флексија)
пред (префикс) град (корен) и (суфикс) е (флексија)
над (префикс) град (корен) ува (суфикс) ат (флексија) итн.

Прочитај повеќе и реши ги задачите во написот на следната ВРСКА.